Home စာစုလေးများ ရဲစခန်း စိုက်ခင်း ထဲ ဝက်တစ်ကောင် ရောက်နေတယ်။

ရဲစခန်း စိုက်ခင်း ထဲ ဝက်တစ်ကောင် ရောက်နေတယ်။

1053
0

ရဲစခန်း စိုက်ခင်း ထဲ ဝက်တစ်ကောင် ရောက်နေတယ်။ ဝက် ဟာ ရဲသား တွေစိုက်ထားတဲ့ အရွက်တွေကို စားလိုက်တယ်။စခန်းမှူးက ဝက်ကလေးကိုဖမ်းပြီး လှောင်ထားလိုက်တယ်။ ဝက် ပိုင်ရှင် ကိုရှာပြီး ဝက်စားလိုက်တဲ့အပင်တွေကို အလျော်ခိုင်းမလို့ပေါ့။ ဒါပေမယ့် နှစ်ရက်လောက်ကြာလည်း ဝက် ပိုင်ရှင် ကို မတွေ့ခဲ့ဘူး။

စခန်းမှူး က ဝက်အစာငတ်သေမှာစိုးလို့ဆိုပြီး မွေးထားလိုက်တယ်။ ပိုင်ရှင် လာရှာတဲ့အခါ ပြန်အပ်ရကောင်းအောင်ပေါ့။

ဒီလိုနဲ့ နှစ်ဝက်ကြာသွားတယ်… နှစ်သစ်တစ်နှစ်ကိုတောင် ကူးပြောင်းတော့မယ်။ ပေါင် ၂ဝဝလောက်ရှိနေပြီဖြစ်တဲ့ဝက်ကို လာရွေးတဲ့လူလည်း မရှိတာနဲ့ ဝက်ကိုသတ်ပြီး နှစ်ကူး လက်ဆောင်ဝေဖို့ စခန်းမှူး က ဆုံးဖြတ်လိုက်တယ်။

ဝက်သတ်ပြီး အသားခွဲဖို့ပြင်ဆင်နေတုန်းမှာပဲ စခန်းဘေးမှာနေတဲ့ အဘိုးအို တစ်ဦးက စခန်းမှူး ကိုပြောတယ်။

“ကျုပ်ဝက် အမှားလုပ်မိလို့ ခင်ဗျားဖမ်းပစ်လိုက်ပြီ၊ ချုပ်လည်း ချုပ်ထားခဲ့ပြီးပြီ။ အခု သေမိန့်ပါချလိုက်ပြီဆိုတော့ ကျုပ်အလောင်းရွေးခွင့်တော့ ရှိရမှာပေါ့”

အားလုံး မူးလဲသွားတယ်။

( ဓားခုတ်ကောင်က ပုစဉ်းရင်ကွဲကိုဖမ်းတယ်၊
သူ့နောက်မှာ စာကလေးရောက်လာတယ်။)

(၂)
အဲဒီအချိန်မှာပဲ စခန်း သင်တန်းနည်းပြ ပြန်ရောက်လာပြီး အခြေအနေကိုနားလည်ပြီးတဲ့နောက် အဘိုးအို ကို သူကပြောတယ်။

“အဘိုး.. ဥပဒေ အရ အလောင်းရွေးမယ်ဆိုရင် ဆွေမျိုးသားချင်း ထဲက ဒါမှမဟုတ် တရားဝင်ကိုယ်စားလှယ်တစ်ဦးဦးကပဲ ရွေးပိုင်ခွင့်ရှိတယ်။ DNA ပါ စစ်ရတယ်။ အဘိုးကို သွေးဖောက်ပြီး ဒီဝက်နဲ့အမျိုးတော်မတော် စစ်လို့ရမလား….”

အဘိုးအို မူးလဲသွားတယ်။

( တစ်တောင်ထက် တစ်တောင်မြင့်ဆိုသလို
လူတော်တစ်ယောက်ရဲ့အထက်မှာ လူတော်တစ်ယောက်အမြဲရှိတယ်။)

**

(၃)
အဝေးရောက်နေတဲ့ အဘိုးအို ရဲ့မြေး ရှေ့နေ က ဒီအကြောင်းကိုကြားတော့ မကျေနပ်ဘူး။

ဝက်ဝယ်တုန်းက ငွေရှင်းပြေစာနဲ့ အိမ်နီးနားချင်းတွေကို သက်သေခေါ်ပြီး အဘိုးအို သာလျှင် ဝက်ရဲ့အုပ်ထိန်းသူ လို့ဆိုတယ်။ ဒေသတရားရုံးသွားပြီး တရားစွဲဆိုပါတော့တယ်။

ဝက်သား မစားရဘဲ တရားစွဲဆိုခံရတာကြောင့် ရဲစခန်းဝန်ထမ်းတွေ စိတ်ပျက်ကြရတော့တယ်။

( သပွတ်အူကို အပြင်ကလူကြည့်မှ
ရှင်းရှင်းလင်းလင်းမြင်ရတယ်။ )

**

(၄)
ဒီလိုနဲ့ စခန်း သင်တန်း နည်းပြ က အလုပ်တစ်ခုနဲ့ မြို့ရောက်တော့ ဒီအကြောင်းကို ထမင်းစားနေရင်းနဲ့ မြို့နယ်မှူးကိုပြောပြဖြစ်တယ်။

တရားရုံး မှာ တရားရင်ဆိုင်တော့ မြို့နယ်မှူး ညွှန်ကြားသလိုပဲ…

ဝက် ကို နဂိုပိုင်ရှင်ဆီ ပြန်အပ်လို့ရတယ်။ ဒါပေမယ့် အုပ်ထိန်းသူ က အုပ်ထိန်းမှုမကောင်းတာကြောင့် အအုပ်ထိန်းခံ(ဝက်) က အစိုးရအဖွဲ့အစည်းနဲ့ လူ့ဘောင်အဖွဲ့အစည်းကို ဆိုးကျိုးတွေသက်ရောက်စေခဲ့တယ်။ အစိုးရ က ဝက်ကိုထိန်းသိမ်းထားစဉ်မှာ အများအပြားပေးဆပ်ခဲ့ရတယ်။

ဒါကြောင့် တရားရုံး က အုပ်ထိန်းသူ(အဘိုးအို) ကို စခန်းက ပေးဆပ်ကုန်ခဲ့တဲ့ငွေသိန်း၂ဝကို ပြန်ပေးရင် ဝက်သားအကုန်ယူစေလို့ အမိန့်ချခဲ့တယ်။

( တတ်လို့လုပ်စားတာ မဟုတ်ဘဲ
ငတ်လို့လုပ်စားရင် တစ်နေ့နေ့မှာ စားခဲ့သမျှ ပြန်ပေးရတတ်တယ်။)

***

(၅)
အဘိုးအို က စိတ်တိုတိုနဲ့ အိမ်ပြန်ရောက်ပြီး အဲဒီစိတ်နဲ့ ဘုံးဘုံးလဲတော့တယ်။ ဒီပြဿနာကို မဖြေရှင်းနိုင်ရင် သေရပါတော့မယ်လို့ အိမ်သူကိုပြောတယ်။

အိမ်သူက ကြံရာမရဖြစ်ပြီး မြို့ပေါ်မှာ သတင်းထောက်လုပ်နေတဲ့ မြေးမဆီဖုန်းဆက် အကျိုးအကြောင်းရှင်းပြပြီး အဘိုးကို နောက်ဆုံးအနေနဲ့ ပြန်လာကြည့်ပါလို့ ဆိုတယ်။

မြေးမက အဘွားဆီက ဖုန်းရတာနဲ့ ဖေ့စဘုတ်ပေါ်တက်ပြီး….
“ဒေသ အစိုးရ က အာဏာနဲ့ အပြစ်မဲ့တောင်သူဦးကြီးကို အနိုင်ကျင့်တယ်၊ သေသွားတဲ့ဝက် ဘယ်ရောက်ဘယ်နေသလဲ” လို့ဆိုပြီး ရေးတယ်။

အဲဒီတခဏ ဖေ့စဘုတ် ပေါ်မှာ ပွဲဆူသွားပြီး မီဒီယာတချို့က အဲဒီသတင်းကို ချဲ့ကားဖော်ပြကြတော့တယ်။ ဒီလို ကိစ္စသေးသေးမွှားမွှားက ဒီလောက်လှိုင်းထန်သွားမယ်လို့ ဘယ်သူမှ တွေးထင်မထားခဲ့ကြဘူး။

ဖြေရှင်းမရဖြစ်နေတာနဲ့ မြို့နယ်၊ ပြည်နယ် အကြီးအကဲတွေက အချင်းချင်းဖုန်းဆက်ပြီး ဖုန်းအစည်းအဝေးစတင်ကြတယ်။ အဲဒီစခန်းနဲ့သက်ဆိုင်တဲ့ ပြည်နယ်အကြီးအကဲက သူကိုယ်တိုင်သွားရောက် ဖြေရှင်းပြီး ပြည်သူတွေ၊ မီဒီယာတွေကို အဖြေတစ်ခုပေးမယ်လို့ ဆိုတယ်။

( တရား တစ်ဆင့်တက်ရင်
အမှောင်အဖျက် တစ်ဆင့်တက်တယ်၊
အာဏာရှိသူရဲ့ စကားအဆုံးအဖြတ်က ဥပဒေရဲ့လားရာဖြစ်တယ်။)

***

(၆)
ပြည်နယ်အစိုးရက အဖွဲ့တစ်ဖွဲ့ဖွဲ့ပြီး မြို့နယ်၊ နယ်မြေ၊ ရပ်ကွက် အကြီးအကဲပါတဲ့အဖွဲ့နဲ့ အဘိုးအိုကိုသွားရောက် နှစ်သိမ့်ခိုင်းတယ်။

အဘိုးအိုကို ဒဏ်ဆောင်ခိုင်းတဲ့ ငွေသိန်း၂ဝကို ချေဖျက်ပြီး အဘိုးအိုကို နှစ်သိမ့်ကြေး ၅သိန်းပေးလိုက်တယ်။ အအေးခံထားတာ နှစ်ဝက်လောက်ရှိတော့မယ့် ဝက်ကိုလည်း ပေးလိုက်တယ်။ အဘိုးအို ရဲ့ဝက်ကိုသတ်တဲ့ စခန်း က အလုပ်သင်ရဲကိုလည်း အလုပ်ကထုတ်လိုက်တယ်။

( ကြီးတဲ့အမှုသေးအောင်
ငယ်တဲ့အမှုပပျောက်အောင်လုပ်ရမှာက အာဏာရှိသူတွေဖြစ်တယ်။)

***

(၇)
နောက်တစ်နေ့မှာ ပြည်နယ် အစိုးရ က လူ့ဘောင်လူ့အဖွဲ့အစည်း သင့်မြတ်ညီညွှတ်အောင် မီဒီယာတွေခေါ်ပြီး အဘိုးအိုကို သွားရောက်တွေ့ဆုံဖို့ ကိုယ်တိုင်ရောက်လာခဲ့တယ်။

အဘိုးအိုတစ်သက်မှာ ဒီလောက်ရာထူးကြီးတဲ့အကြီးအကဲကို မမြင်ခဲ့ဖူးဘူး။ ဒါကြောင့် ချွေးမကိုခေါ်ပြီး အေးခဲထားတဲ့ဝက်သားကိုချက် ပြည်နယ်အစိုးရအပါအဝင် မီဒီယာသမားတွေကို ဝက်သားဟင်းနဲ့ဧည့်ခံလိုက်တယ်။

နောက်တစ်နေ့မှာ ပြည်နယ် အစိုးရ ဟာ တောင်သူလယ်သမား တစ်ယောက်ရဲ့အိမ်မှာ ရွံ့နွံ မြေခွက်တွေနဲ့ ထမင်းစားခဲ့တယ်။ အောက်ခြေလူတန်းစားတွေနဲ့အတူ တပြေးညီနေထိုင်ပြုမူခဲ့တယ်ဆိုတဲ့သတင်း သတင်းစာမှာ ပလူးပျံခဲ့တော့တယ်။

(ရန်ငြိုးရှိရင် နှစ်ဦးနှစ်ဘက် ပယ်ဖျက်သင့်တယ်။
ရန်ငြိုးရန်စကို တင်းတင်းဆွဲထားလို့မရဘူး။
အများကောင်းမှ တကယ်ကောင်းတာဖြစ်တယ်။)

နောက်ဆုံးတော. နိုင်ငံရေးသမားက အမြတ်ထုတ်သွားတာ..
နောက်ရွေးကောက်ပွဲအတွက် ခိုင်သွားတာပေါ.။။။

ဇော်မင်း ထက်.
စေတမန် ( ထုံးဘို ) မျှဝေသည်။

LEAVE A REPLY

Please enter your comment!
Please enter your name here